sEeKJuKu
Welcome to the place where imagination flies with no rules......
New update
"Woodwork" - updated on 21 Jul,15
"Sewing & Needlework" - updated on 10 Mar,15
真的要衷心多謝老公公的心思和付出。花了一整天時間做了這麼美味的餸菜來慶祝我們的結婚周年紀念。 老公繼首度涉足西餐後，今次再獻新猷，就係fusion菜喇。這碟餸看似平平無奇，但你一放進口便會感到十分驚訝......因為這是用泰式冬陰功料頭煮的豬腩肉。一點都無誇大，真的是平生吃過最好的豬腩肉。這些荷蘭豬腩真係頂呱呱。由於已戒吃肉類一年有多，因此對不良的肉腥味特別敏感。再加上，我真的記不起多少年未吃過入口即溶的肥豬膏。 過往老公也曾煮過豉油汁炆豬腩肉，我已經覺得好正，但今次真的如雪糕般與瘦肉完全融合在嘴裡，真係超爆爆爆爆好食。
|
第二名的是茄汁蝦。這碟餸老公過往也曾煮過，但今次真係最最最好食。甜酸道、生熟度，樣樣都恰到好處。 | 那些薑蔥蒜當然是極品中之極品啦。 第三名作品忘了怕照。因為實在太心急想食。這碟白蘿蔔炆蜆，配搭好特別。日本蘿蔔真係無得輸，加上意大利和法國蜆混合，那種鮮甜，真的吃得身心都很舒服。我們還饞嘴得把蘿蔔汁當湯喝至見底!
最後還有"甜蜜蜜" 的Paul Lafayet蛋糕作結。好完美囉! 忘了，還有一瓶1996年的 Château pichon longueville Baron，係唔係好應境呢! |
就連從不吃肥膏的兒子，放入口後，來不及開口說話，已雙手豎起大姆指不斷讚好。我還用那些汁來撈蝦子麵，真係越食越餓。最後還真的依依不捨，把湯汁雪起來，今天決定再去買大袋蝦子麵再嘆過。
Love U Forever!
|
老公不常開鑊。但每次生日，他都一定會為我下廚 
自上次開爐至今已半年了
，今日終於又再出山啦!!!! 一邊煲湯、一邊炒粉絲、已炸好的蟹件放在旁邊。不在鏡頭內的還有己炆了一半的豬腩肉和2杯紅酒呢!
蟹一直是海鮮中的至愛，而對蟹膏更是愛上加愛! 今次算是我這個中女歷來吃過最多蟹膏的一次，真係飽如吃了一大碗白飽，唔係講笑!
雖然鐘意食蟹，但今次的主角郤是粉絲，不但入晒D醬汁味，而且還能清清楚楚吃到薑味、䓤味、蒜味和濃濃的蟹膏味，超級無得
頂!!! 而我和阿仔亦都無白費老公的心機，真係食到見底架!
。
這煲肥豬腩炆鮮墨魚也算是老公的signature dish. 因為佢, 我又破戒狂食肉。飽到扣喉都重要塞多一碗蝦籽麵落肚，因為那些豬肉汁又係一滴都唔可以嘥囉!
而阿仔則最喜歡飲湯，這煲是汁不是湯的葛湯當然很受他喜愛啦(因為大家同是葛嘛!
|
| 老公終於開爐啦! 出外用膳一怕骯髒, 二怕味精, 三怕化學品, 最近還要怕地溝油...
於是老公買了馳名地道的魚片,墨魚丸和雲吞, 再去街市麵鋪買了幼河粉. 晚上自家製了這碗美味的晚餐, 又好食, 又衛生. 他說下次加些炒蒜泥和冬菜......好想再食呀! |
title
Click to add text, images, and other content
Happy birthday to you, Happy birthday to you,
Happy birthday to Daddy
Happy birthday to you!!! (12 Oct, 2013)
My boy made this birthday cake for his daddy. He has enormous improvement of pastry making. You can compare it to those he made for us before (refer to Amazing Food P.1) . Besides, it is soooooooooo y~u~m~m~y !!!
好感動
上周日老公給了我們一個大驚喜. 本以為他會如常往快餐店買早餐給我們, 但係佢......
居然整左餐咁勁既早餐, 真係呆左幾秒, 然後已經不停咁流口水!
排骨粥底鮮蟹粥已經係睇到老公煮時都熱淚盈眶啦 
點知見到那些配菜, 那份心思和認真, 真係一邊食一邊感動得淚流披臉. 粥底放薑, 粥面放蔥花, 然後邊食邊放大頭菜粒, 本來最愛的油條都變左次次次等. 粥底超綿, 蟹仔又鮮又甜, 我真係食左兩大湯碗, 都重想再食. 老公, 再encore啦, 好啦, 好啦 !